NEW Teawater


السلام عليكم ورحمة الله وبركاته
ده حوار انا اجريته مع الرئيس اوباما لما كان في مصر
كده وكده بقا يعني هي جات عليا
NewTeawater:جود مورنينج مستر اوباما
اوباما: صبح صبح يا تيوتر
NewTeawater: ويلكم مستر اوباما 
اوباما: مرحبا بيكي يا شابه
NewTeawater: ممكن اسال حضرتك ايه هو سبب زيارتك لمصر؟
اوباما :طبعا عشان اعاين البطيخه قبل ما اكسرها اقصد قبل ما اشتريها
NewTeawater: طب واقدر اعرف ايه كانت رسالتك الانتخابيه التي جعلتك تفز في الأنتخابات الامريكيه؟
اوباما: رساله بسيطه جدا اوحنا هنعقد الناس لييه " صبح واغسل وشك اوباما مش هيغشك"
NewTeawater: طب وايه رايك في جمال الشوارع؟
أوباما: جمال حبيبي والله ده احنا هنقطع البطيخه سوا اصله ابوه تعبان مش قادر خلاص ده حتى مجليش المطار
NewTeawater: عفوا مستر اوباما لكني اقصد نظافه الشوارع القاهريه التي مررت بها اثناء زيارتك للقاهره
اوباما: ايه القلش ده يا بت احنا هننتش انتي بتشتغليني دول حطينها كده وكده ده صايع قديم من السابتيه وعايشه ع صور الناصريه اصلا متربي في شبرا
ولقطهم بالطبق الصناعي قبل ما اجي
NewTeawater: شبرا اومال جبت الجنسيه الامريكيه ازاي؟؟
اوباما: اقلك اصلا كنت ساكن مع واحد صحبي في تطون....
NewTeawater: تطون؟؟. عفوا مستر اوباما مش تطون ديه الي في الفيوم؟
اوباما: ايون يا اختي وضربت ورق وسافرت  ايطاليا علي صندل وهناك ضربت ورقتين عرفي من بت امريكيه وهربنا ع نيويورك
NewTeawater: لكن مستر اوباما ما سر زيارت للاهرام؟؟
اوباما: انا قلت البساتين زحمة ويه ومعرفت ازور قريبي الي مدفونين هناك
NewTeawater: لكن مستر اوباما هل هناك ما يثبت انك مصري؟
اوباما : يا بت ده انا الي عالي الفت اغنيه انا مصري وابويا مصري بتاع الموزة الي اسمها نانسي
وكمان و انا لما جابولي ميه معدنيه قلتلم لا البت شوشو موصياني 
NewTeawater: شوو مين؟؟
اوباما: شيرين يا عبد الوهاب مش غنتلي وقالت مشربتش من نيلها
NewTeawater: هل كانت تلك الاغنيه لك؟
اوباما: ايوه يا بت وانجززي لاظرفك في وشك
NewTeawater: لكن ما هو سر القاء خطبه داخل الحرم الجامعي بالقاهرة
اوباما: بصي يا اختي اصله الواحد حنظل اخو البت حلويات بنت كوتة كان عنده امتحان في كلية الخدمة ومكنش مزاكر
فقلت اهي فرصه نسيبله فرصه يبرش الامتحان قبل ما يدخل.
NewTeawater: وماهو دوافع سيادتكم لحل النزاع الاسرائيلي في الاراضي المحتلة؟
اوباما: بصي انا مش هاقول اكتر من الي قاله الاخ المواطن المناضل شعبولا
انا باكره اسرائيل
NewTeawater: وما الداف الذي جعلك تتحدث عن الاسلام في خطابك
اوباما : يعني عان الاخوان ميزعلوش برده ويقول ده حبيبنا وبتاع
NewTeawater: هل لك اي ملاحظات اخر مستر اوباما؟
اوباما : وفي نهايه البرنامج احب اهدي اغنيه ست الحبايب يا حنانه انتا.
NewTeawater: سيادتي سادتي اتمنى ان يكون لقائنا قد اعجبكم والان مع التقرير المصور .
.
.
.
تزيين الشوارع

تنظيم المرور

تكسير الرصيف

طبعا الحوار ده مزحة خفيفه جدا بتعكس حقائق واكاذيب اتنشرت في مجتمعنا مؤخرا يمكن تكون حقيفه ويمكن تكون بجد
بس الاكيد ان غرضها هو الضحك
الحوار ليه اغراض سياسيه وفنيه واجتماعيه باينه كده ويارب تكون رسالته وصلت 
طلب بسيط ياريت كول الي يجي يعلق يقولي رايه ايه ويحب يرشح مين للقاء الي جاي
NEW Teawater
مدونتي تعتبر مملكتي الحقيقيه الي باكنج فيها براحتي باعمل الي انا عاوزاه والي ع مزاجي

بس المرة ديه هتبقى جديده جدا

تقبلوا تحياتي